Uyon sira sa mga natutunaw o nalulupa na bagay; halimbawa minatay na kahoy, nalulupa na lawas sin saging, o linu’loan sin abaka. Nabubuhay sira sa pagkuwa sin sustansya san nakukup’tan nira na bagay, na luway-luway na nalulupa. An gahoy ta kanira, tubò o kurakdíng. An pagkakapareho nira sa burak, malin an itso hamok, kay an kolor nira, di’ man sugad kamakaruruyag sin burak. Mala, kay an burak, naruruyagan sin buyog, kulibangbang, darag’angan, nan tawo. An kurakding nan tubò, induduno sin turu-tabako nan amamang’og, nan kinukutos sin tawo basi landagon.
An tubò nan kurakdíng, mahod naiimod man sa pandok sin nagkapira na tawo; wara ini pinili. Prisidinti o sulisiturdyiniral, tinutud’kan sini.
Kay kun iisipon, may naboboto na prisidinti dahil sa panuga na siya nganyan, burak, maski an ungod, kurakdíng ngay’an; nabubuhay sa pagsupsop san paglaom san nagkarilipat.
__________________________
Retrato tabi ni Alma Jane Gamil. Salamat po.
Pamúghaton 