Nag-iinóp solo

Nagtuturu-tatsi siya sa ingod. Panirum-sirom sadto sa duungan. Magraba an tinampo, kaya daghan an mapupurot na saragday na bato, na naiitsa sa kun diin: sa tubi san salog, sa dagat, sa bubóng san saday na sirungan.

May nutbok siya sa bulsa sa lubutan san kaniya saruwal. Kun paano ini nakahusto, awat na kaadmi, kay awat na ini inhihirimo, na saruwal na saday an bulsa.

‘Nono’, hapot ko kaniya. Nono an gahoy san lalaki na nanugad kaniya an edad. Kun kapurupareho, Padi. Kun malin mas may edad, Inoy o Tiyo. ‘Arin dini na motor an nabyahe pa Matnog?’ ‘Ambot’ nganyan, di’ niya aram.

Wara na ako paghapot sin manungod sa motor. Di’ man ako pa-Matnog, nan hadok ako sa dagat.

‘Nag-iiskwela ka?’, bagaw ko na hamok.

‘Ma’o tabi. Sa Trade.’, bagaw niya.

‘Nano an in-iiskwelahan mo?’

‘Um, bukisyunal…’

‘Aw, di’ mayad. Pakahuman mo, makatrabaho ka na…’

‘Hm, gusto ko pa mag-iskwela…’

‘Sin nano pa na kurso?’

‘Umm, gusto ko maging indyinir…’

‘Kay akay?’

‘Aw, basi makahimo ako sin tinampo…, sin tulay…, sin duungan, na sugad sini…’

‘Di’anison daw, ha? Di’ niyan pa ha’k, gahuyon ko na ikaw na engineer…?’

‘Ha ha ha! Wara pa ngani…’ Tuninawa siya, nan tunapok sin bato kun diin. ‘Bay’i tabi, kay kun maging indyinir ako, humanon ko ini na duungan… ha ha ha!’

‘Aw, ma’o, ha?’

‘Badi ako sini an inhuhulat…’ Nan dunalagan siya bigla.

Nabilin ako na nagtatan’aw kaniya. Kangina na uya siya, malin saday-saday sa kaabay san higante na makina. Sugad san pangarap niya, na dako pa an hahampangón, bag’o mautób. Kaya man nagsosolo kay nag-iinóp. Nakainóp, kay nagsosolo. Pareho man sa ako.
________________________
An retrato tabì, kuwa sa duungán san Sorsogon.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s