Barbekyu

Matawó-tawo sa bag’o na Jollibee. Masunaon, nan bag’ohon pa an dekorasyon san hawan. Kundi, an kwarta niya, kun bi’abahón, hanggan Jo hamok, kulang na sa llibee. Si’apo, kay husto man dini sa barbekyu.

Punurot siya sin sayo na tuhog,  linantop sa sarsa, pinuknit san ngipon sa tuhog, nan luwáy-luway na sinupâ. Nagsusupâ siya, indudungawan pa an mabaga, an namulaag sa baga, na kolor san barbekyu. Pagtulón niya, naisip niya na ini na binarbekyu, badi karne na binarnisan; kakolor nag’ud sin sala set na naga. Di’ ada ini makahilo, o makaraot sin tiyan? Unalto an ngipon niya pagsupâ; tinagan lugar an mga mata niya pagsayod san nakapakupót sa poste: ‘Sipsip pozonegro… baradong cr – …’

Nadumduman niya an iristorya nira san mga amigo, san arin yadto, manungód sin sayo nganyan na klinika, na kaabay nag’ud nganyan sin punerarya. Niyan, sugad man ini san kararaw nira, san may mag-agda pag-inom sin tuba. Bagaw sin sayo kanira, nakakurso nganyan an tubâ… Bagaw man sin sayo, di’ man nganyan, kay ini na tuba tiniblangan na sin dinunot na diatabs…

Nagpadagos siya pagsupâ. Hasta maubos an barbekyu. Sa durho san ultimo niya na tulón, lunugdang an rami san asó sa karne, nan san alpog sa tunludan na sukà. Pagtig’ob niya, bilog na sa isip niya an sirám san barbekyu. nawara na an ideya san baradong cr, san punerarya, nan san diatabs.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s