Dyip: Haraní na

Diín tabi an paradahán niyan san pa-Bulusán?’

‘Yun ho. Ma’o na yun, na mga tawo an pasahero. Wara pa ugaring an dyip. Maabot na yadto. Ako, hanggan San Roque hamok…’

‘Miss, pa-Bulusán tabi kamo?’

‘Ma’o tabi…’

‘Awat pa ada an dyip?’

‘Hmm, badi mga paybterti pa tabi…’

‘A… Salamat…’

Diri ini an dati na hulatan, na kaabay san paradahán san Philtranco. Mga duwa na bloke ini, hali didto. May daragko na balay sin negosyo dini niyan; mga bag’o itindog na balay nan negosyo. May mga karihan. May babayi na nag-aamak sin kalayo, malin mag-babarbekyu, magpapainom ada siya, mas dako ada an delihensya.

Sa unhan, kun tan’awon, an bulkan, na nagdudungaw dini. Bulkan san Bulusan, abo san Irosin, kun nagtutuga ini sin abo.

Matawo-tawo maski diin ka pumuriknat. May nagpapasulat sin luho na gulong sin sasakyan nan bisiklon. Daghan an istambay. Nagpapalabay, sagin nangalág-kalag, an tan’aw malin naghuhulat san paghukom. Wara sin mapaipli’an. Kun kaihion, tiusa na ha’k. Mamangno do’n, bagaw nira, maabot na’k yun na dyip. Madali na. Maski di’ pa nakasangpot, an Bulusán, tan’aw na.
______________________________
An retrato tabi, kuwa sa Irosin.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s