Dyip: Partenón

Kadi’anis san dagat pagtan’awon, kun sugad sini na mayad an panahon, ha? Badlahon an imód sa lawód, badlahon man an hangin pa-bulód…’

‘Ma’o. Nano baya yun, ho, na bilding na nasisikóp na kolor-gulaman na uga?’

‘A, an function hall ada yun, aw ambot kun nano an gahoy so’n, san Dancalan Beach…’

‘A… Pwede ada kunta do’n an mga bangkete, ha, nan sin mga seminar, o duru-dako na aktibidad…?’

‘Aw, pwede… Kun mga seminar, di’anis, o mga diskurso sin mga politiko, halimbawa, kay daghan an makaimód… Kun karaon, halimbawa kasal, bunyag o baragat, kun an badyet sayo na kaldero, kaipuhan sin duwa pa na kaldero, kay simpre, may maka-imod, mausyoso kun nano an suda, nan simpre, kun agdahon, o maski diri agdahón, matangka man…’

‘Aw, ma’o, kay ma’o kita dini sa bungto…’

‘Eniwey, may nahihitsuraan baga ini, sa historya nan arkitektura ada…?’

‘Arin man?’

‘An Partenón sa Gresya. Sugad sini, na pahalaba, nan wara man bubong…’

‘Aw, may bubóng yun dati, tinalbo ha’k san bagyo na Nona san 2015… Badi mabadyetan gihapon yun…’

‘Iya, di, mayad, kun sugad… kay kanugon man… Ipamutang balay yo’n, an balay baga na wara nag-iistar, iniistarán sin butbót? Nan may magkakahirimo pa do’n… na seminar, miting de abanse, nan, urusyoso sin karaon…’

‘Ma’o…’
______________________________
An retrato tabi, kuwa sa Dancalan Beach, Bulusan.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s