Dyip: Kanipáan

Imudá… Ho, asi, imudá… Kun di’ mo pa arám, yun na nipa, an dahon so’n, ma’o an inhihimo na pawod…

‘Pawod?’

‘Sa mga baláy sadto, nan hanggan niyan daghan pa, an bubong sin balay anáhaw, nan an lunob, kabuluan o pawod. An iba, pawod na batog sa bubong hasta sa mga lunob, kay matayunas pag-imudon, kumpara sa anáhaw. Mas madali hamok mangaipo sin pagliwan.’

‘A… Sa nipa ngay’an hali an pawod…’

‘Mayon man sin alkohol hali sa burak sin nipa. Nahihimo na arak, o igaratong.’

‘Aw. ma’o…’

‘Mayon pa ngani nganyan sin nahihimo na panulsihan hali pa gihapon sa burak sin nipa. Kun kaupod ini sin bakháw, kadanon man ini na istaran sin mga isda nan mga krustasyo.’

‘Hmm, mamangno so’n na kanipaan, pangbabalumbunán yun, basi mabalayán, o mabutangán sin bakasyunan sin mga maykaya, bagaw…’

‘Badi… Basi umawát pa man na diri masugad so’n. Sadto, san kaagi-agi mi, kahoy pa an mga tulay dini. Wara barandilya, nan tagsayo-sayo hamok na sasakyan an nakalabay. Kun arin an mauna. An iba, naghuhulat ngon’a… Niyan, maski sementado nan rimot na an mga tulay, kun natatan’aw ini na kanipaan, sugad sin nabalik an nakaagi nan san inagihan…’
_________________________________
An retrato tabi, kuwa sa Barcelona.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s