Dyip: Pasyadahán

Mahiwas na man nag’ud an dalan, pwera pa san matayunas. Harayo na an binag’o sadto na halitid na ispalto, na daghan an bakud, kabagtu’an, na mahod may pasambáng na udo sin karabáw sa piliw, he he he… Ma’o ngay’an ini an inparasarabi na waydiníng… Kunsabagay, habang mayon sini na waydiníng, padagos man an baraláy sa tangpihon san tinampo, he he he… Sugad sin may nagpupulak habang may nagtatanom…’

‘Aw, ma’o na man nag’ud yo’n sa kinab’an…’

‘Pagsayon pa san pagpakanhi, dunaghán, nan madaghan pa an mamarasyáda nan manguruli… Kaya man daghan na man an natan’aw ko na pasyaran nan sangputan… Sugad so’n, ho, na… Eva’s…? Di’anison an tan’awon sa baybayon, ha? Kaabay nag’ud liwát san Villa Celeste…’

‘Ma’o na yun an uso dini niyan. Sa Dancalan, mayon na so’n na Boracay, nan san Palayok sa dati na bulangán sa Baluarte. Sa San Roque, dunaghan pa an mga karigusan. Sementado na an Danaw, nan mayon pa sin Balay-buhay…’

‘Haraguros pakanhi kun tagsudáng, ha? Kun Kamahalan…’

‘Ay, oo. May mga guyod pa na taga-iba na lugar… Kaya dunaghan na man an mga sangputan dini. Adlawan an bayad… Ay, atog, di’ na man ini na Bulusan irayahon… Yun na kapasakyan na harani sa dagat, inpaparadiriyo-diyo na baga pagbalumbuni? Inbabaralayan na… Mamangno, hasta na yun na baraláy sa Bugás…’

‘Mamahalon na daw so’n an balayan do’n sa mga harani san baybayon, ha?’

‘Ay, oo. Badi mamahal man an bugas, kay diyo na an maaani sa diyo na na pasakáy…’

‘Nano man ngay’an an uyón do’on sa mga bag’o na pasyaran?’

‘Ay, pambihira do’n. Irkondisyon na mga kwarto, kararigos, ruluwoy, ralantop… Karaoke. Ber, nan… karaoke…’

‘A… Di’anis, ha?’
_____________________________
An retrato tabi, kuwa sa Eva’s Beach Park, Bulusan.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s