An suranggä sa balkon

13122942_1080568978682929_2943923155251865600_oNoraaaa!
Nora, uli na…
Tuna na tunaliwan ka, punung’awon ini na ato payág…
An espasyo na hinimo san pagbaya mo, sinulod sin madamuon na alpóg
An anahaw san bubong, binalayan sin mga lawa, kinulambitayan sin mga lapat-lapat
Ini na pasamano na tuprahan sadto ni gilay, tinubuan na sin mga lumot
Ma’o man ini na papag, na dati magilangon sin kahisahisi san ato mga lubot
Niyan, gurudu-guduon na, nadumo na nan linumot
An mga tukbason, unararagirang, nagka-uruga, sin kahuhulat sa imo
Maski an mga pusiw nan an mga palago, di’ na nagkakabarati an huni, malin nag-ruluod
san di’ ka na naiimod
Sadto baga, san nagbabatog ka pa’k pagtariya, pinakuwa mo ako sin mga bunga
sin surangga sa tanom ni Mamay?
Binuburuka mo an bunga, nan pinukurikot sa imo talinga, na sugad sin mahalon na hikaw
nan nakido-kido ka, nakuru-kunday, nan nasugad ka, ‘pagdaraga ko, gusto ko maging parasayaw…’
Ay, kun aram mo’k, Nora, an langkag ko sa imo, an panganugon ko san paghali mo, an kalunusan ko sa imo…
Maski haputon mo ini na mga suranggä, na nagkamaratay na, nan nagturubo gihapon…
Daog ko sira sa mundo na namamatian sa paghulat san pagbalik mo…,
Nora… Noraaaaa….!
_________________________
Retrato tabi ni Alma Jane Gamil. Salamat po.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s