Kalunggáy

020719Hmmm…. Láy, láy, tagulayláy, suli na kalunggáy…’

‘Ba’adaw si Mamay… Inkukuru-kantahan pa yun na kalunggay… Badi maturu-tam’is yun pagkasuli, ha?’

‘Aw, syempre… Bangutan tinapa… Pahatukan sin sayo kabu’o na laya… Paharangan diyo… Baba’adiiiw!’

‘Si Mamay… Malin pag-uugbós diyo sun na kalunggáy, kukutusán… Di’ ka nasumo, Mamay?’

‘Si Mamay mo, masumo sin kalunggáy? Akay, na batog ako na sadáy, paborituhon ko na ini na kalunggáy. Hmmmm… Láy, láy, tagulayláy… Di’ mo aram, masustansyahon ini na sulihon… Hamamani sini an gatas, karne, isda, mani, sorbetes, tsokolate… daghan pa… Aw, nano, mapakarin ka kay namulbo?’

‘Makadto tabi ako kura Manay Badit, kay unabot kuno si Manoy Barit… Pinakadto ako… Badi, Mamay, may patapo, ha?’

‘Badi, ha? Nano daw? Badi tsokolate… o habon… polbo? …pahamot? …karne norte… karne norte kunta, kay masiramon yun…’

‘Si Mamay… Bagaw mo, wara makadaog sa kalunggáy, nan diri ka nasumo sin kalunggáy…?’

‘Aw, kay basi mapalainan man… Iya, kadto na… Aw, ho, tara… uya na si Mirit, he he he, badi nalangkag sin ka’hulat sa imo, dinara na’k an patapo… Nano yun, Mirit, olor? Wara sin karne norte?’

‘Wara tabi… Pinadara ini sa ako ni Mamay, kay kun maubusan kuno kamo sini na biskwit sa lata…’

‘Biskwit… A, marag’mo’on yun… Láy, láy, tagulayláy, suli na kalungggáy… hmmm…’

‘Iya… o, kuwa’a na ini na biskwit.. Nano yun si Mamay mo, kay sugád sin diri iksayted?’

‘E, na ma’o na man nag’ud yun… Salamat, ha?’
_______________________
Retrato tabi ni Alma Jane Gamil. Salamat po.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s