Angol

paksiw na angol

Niyan na magtatagpasô, maglilinaw na naman an dagat. Mayad pa magtaga-luk’aw san bag’o maghaw’as, basi pa kun may angol.

Sa Bulusanon, an angol sayo na bagay na inbabalik-balikan: ‘Aw, nano daw kun may angol niyan?‘ o ‘Ay, ka-di’anis! Makatadi daw kita sin angol, ha? Awat na na panahon!‘ Kun inlilibot, nasa basket ini, lungtod sa dahon sin malobago.  Ayaw karuyag tulos san inpapadayag sa ibabaw, kay kun sukayon mo an irarom, yadto an mas darag’anis, an mas daragko. Kasi Dancalanon an nagtitinda sini, mga dakop san pangki. Kun may naalidad, mayon man do’n sa Sabang.  Ambot kun akay, malin pagluwas sin Bulusan, kun may angol man, iba man gihapon an rami; maturu-tapsi.

Sadto, san nakadakop pa sin daghan, nan wara pa sin yelo o kuryente, an iba na dakop, inaagon, basi maihanip sin awat-awat.  Niyan, an nadakop o nabakal, kun diri yeyeluhan basi madara pa-Manila, diretso sa kaldero, kaserola, o koron; papaksiwon.

PAKSIW NA ANGOL

Mga kaipuhan: angol, sibuyas, kamatis, luy’a, suwa

Ibutang an angol sa kaldero, kaserola o koron. Ibutang man an ginipad na sibuyas, kamatis, nan luy’a.  Sabawan sin di-di’yo na tubi. Asinan sin tama hamok.

Lutu’on sa luway na kalayo. Pakaladkadon sin mga diyes minutos nan ibutang an pinuga na suwa bag’o ha’unon.  Masiram an mapaso-paso sa nangali’aso na luto. Masiram man an mapinit sa bahaw.

INAGON NA ANGOL

inagon na angolAsinon an angol nan ibulad sin maghapon hanggan magmara. Ibalyo sa sinalanigo na butangan nan bitayon didto sa yungod san sug’ang, sa naasuhan maski diri masyado nadaga’angan, basta diri abot san paraunas. Mga duwa ka’adlaw, kun mamarahon na, maski putuson na sin dublahan o papel, nan didto man gihapon ibutang sa nabibitayan.  Pagtaga-ibanan na hamok kun malandag, o may bangutan na sulihon sa lunop.

Advertisements

3 thoughts on “Angol

  1. Pingback: Angol from Dancalan sea coast | bulusanruralvagabond

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s