Sayô pa na karabáw

tayabaw

Diyo pa na bagay manungod sa karabaw, na diyo pa malimutan:

1. An idò san karabaw, and gahoy natí.

2. Basi makontrol an karabaw, binubutangan siya sin salungasing, na niyan uso na sa tawo, labi sa kababayen’an. Kun pinalakaw, an tugal kaniya, hi!. Kun pina’alto, wa!.

3. An saklay niya kun may indadanas, yugo, na sab’itan san pakamang, patulóy, arado, o suród.

4. An gahoy kaniya sa Ingles, water buffalo; sa Malaysia, kerbau; kun nadidilot, tayabáw.

5. An surumaton niya, ungâ!  Sa Daraga, an unga, hapot.  Kun sabihan ka sin ‘da’i para’unga!’, bo’ot sabihon, ayaw sin kahapot!

6. An mga nasa gobyerno, labi an sa Kongreso, kun iba na, ginagahoy na bu’aya, pero an pambansang hayop san Pilipinas, karabaw.

7. San gred wan ako, diri ko man kila sira Snow White, Donald Duck, maski si Kiko Matsing nan si Pong Pagong. An kila ko, duwa na tamsi: si Dignos nan si Talaod, sayo na ayam, si Bidô, nan sin sayo na karabáw, si Damulag.

Advertisements

One thought on “Sayô pa na karabáw

  1. Siguro dapat na pambansang hayop san Pilipinas bag-uhon na, tukalan na san bu’aya kay mao na an daghan. An karabaw nagdidiyo na. Nan di-anis kunta kun an mga bu’aya na an mag-arado san pasakay nan magdagnas man sin pakamang kay basi madatahan.

    An balita ko ma-entra man sa kongreso an sayo na prominente na politiko sa Bulusan. Aw imudon ta kun ma-payt man ada mag-arado sin pasakay.

    Mabuhay an karabaw! aw, bu’aya ngay-an!

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s